Sverdlovsk viloyatida faoliyat yuritayotgan "Ural va O‘zbekiston xalqlari hamdo‘stligi markazi" hamda “Vatandoshlar” jamoat fondi hamkorlikda buyuk mutafakkir, davlat arbobi va mumtoz adabiyotimizning beqiyos namoyondasi – Hazrat Alisher Navoiy tavalludining 585 yilligiga bag‘ishlangan madaniy-ma’rifiy tadbir o'tkazildi.
Ushbu tantanali anjuman doirasida Navoiy hazratlarining boy ilmiy-adabiy merosi, uning jahon sivilizatsiyasi rivojiga qo‘shgan ulkan hissasi, shuningdek, o‘zbek tili va milliy ma’naviyat taraqqiyotida tutgan o‘rni alohida ta’kidlandi.
Mazkur tadbir xalqlar o‘rtasidagi do‘stlik va hamjihatlikni mustahkamlash, yosh avlodni milliy qadriyatlar va ma’naviy meros ruhida tarbiyalashga xizmat qildi.
09.02.2026
3
O'zbek
Русский
English