“Vatandoşlar” jamoat fondi tomonidan “Özbek tili — mening tilim” loyihasi doirasida Qozoğiston va Qirğizistondagi vatandoş öquvçilar örtasida diktantlar tanlovi hamda xorijdagi vatandoşlar uçun oçiq ommaviy diktant taşkil etildi. Unda 113 ta maktabdan 414 nafar öquvçi qatnaşdi.

Qozoğiston va Qirğizistondagi 9–11-sinf öquvçilariga möljallangan tanlov oldidan uning nizomi va diktant matnlari tayyorlandi. Özbek tili va adabiyoti öqituvçilari hamda uslub birlaşmalari vakillari bilan onlayn uçraşuvda tanlovni ötkaziş tartibi va taşkiliy masalalar muhokama qilindi.

Maktab bosqiçida har bir davlat uçun alohida matn tanlanib, “Onamdek aziz diyor” va “Qadrdon sirdoş” mavzularida diktantlar yozildi. Uşbu bosqiçda Qozoğistondagi 36 ta maktabdan 217 nafar, Qirğizistondagi 77 ta maktabdan 197 nafar — jami 414 nafar öquvçi iştirok etdi.

Har bir maktabdan saralangan ğoliblarning 113 ta diktant işi elektron şaklda Fondga taqdim etildi. Işlar Özbek tili va adabiyoti universitetining ikki nafar soha mutaxassisidan iborat komissiyasi tomonidan körib çiqilib, har ikki davlatdan 25 nafardan, jami 50 nafar final iştirokçisi aniqlandi.

Onlayn şaklda ötkazilgan finalda öquvçilar “Kitob va tafakkur” mavzusida diktant yozdi. Yakuniy bosqiç işlari ğoliblarni aniqlaş uçun komissiyaga taqdim etildi.

Ommaviy diktantda 9 davlatdan vatandoşlar iştirok etdi.

2026-yil 24-oktabr kuni Zoom platformasi orqali barça uçun oçiq ommaviy diktant ötkazildi. Unda “Kundalik hayotdagi e’tibor” mavzusidagi matn asosida vatandoşlar özbek tilida yozma savodxonligini sinovdan ötkazdi.

Ommaviy diktantda 9 ta davlatdan jami 77 nafar vatandoş qatnaşdi. Jumladan, Qirğizistondan 46 nafar, Qozoğistondan 19 nafar, Janubiy Koreyadan 4 nafar, Tojikiston va Yaponiyadan 2 nafardan, Belgiya, Jazoir, Niderlandiya hamda Qatardan 1 nafardan iştirokçi jalb etildi.

Mazkur tadbirlar xorijdagi vatandoşlar va ularning farzandlari örtasida özbek tiliga qiziqişni qöllab-quvvatlaş hamda ona tilida töğri yoziş könikmalarini rivojlantirişga qaratildi.

Fond axborot xizmati